చింతపల్లి ఆశ్రమ పాఠశాలలో వైభవంగా మెగా టీచర్స్ అండ్ పేరెంట్స్ మీటింగ్!

చింతపల్లి డిసెంబర్ 5( స్టాప్ రిపోర్టర్ సురేష్ కుమార్) :చింతపల్లి గిరిజన సంక్షేమ శాఖ ఆశ్రమ పాఠశాలలో మెగా టీచర్స్ అండ్ పేరెంట్స్ మీటింగ్ అత్యంత వైభవంగా జరిగింది. విద్యార్థుల తల్లిదండ్రులు, ఉపాధ్యాయుల మధ్య సమన్వయాన్ని పెంచడం, విద్యార్థుల ప్రతిభను ప్రోత్సహించడమే లక్ష్యంగా ఈ కార్యక్రమాన్ని నిర్వహించారు. ఈ సమావేశానికి చింతపల్లి జెడ్పీటీసీ సభ్యుడు పోతురాజు బాలయ్య ముఖ్యఅతిథిగా హాజరై, విద్యార్థులకు, ఉపాధ్యాయులకు అభినందనలు తెలియజేశారు. విద్యార్థుల పురోభివృద్ధికి తల్లిదండ్రులు, ఉపాధ్యాయులు కలిసి పనిచేయాల్సిన ఆవశ్యకతను జడ్పిటిసి సభ్యుడు ఈ సందర్భంగా తెలియజేశారు.

🎭 విద్యార్థుల అద్భుత ప్రదర్శనలు

సమావేశం సందర్భంగా ఆశ్రమ పాఠశాల విద్యార్థులు ప్రదర్శించిన పిరమిడ్లు మరియు పలు సాంస్కృతిక కార్యక్రమాలు ప్రేక్షకులను, ముఖ్యఅతిథిని ఎంతగానో అబ్బురపరిచాయి. విద్యార్థుల ప్రతిభ, క్రమశిక్షణ ఈ ప్రదర్శనల్లో కొట్టొచ్చినట్లు కనిపించాయి. 

🔬 ఆకట్టుకున్న సైన్స్ ఎగ్జిబిషన్

పాఠశాలలో ఉపాధ్యాయులు, విద్యార్థులు సంయుక్తంగా ఏర్పాటు చేసిన సైన్స్ ఎగ్జిబిషన్ అమితంగా ఆకట్టుకుంది. విద్యార్థులు రూపొందించిన నూతన ఆవిష్కరణలు, సైన్స్ ప్రయోగాలను జడ్పీటీసీ సభ్యుడు పోతురాజు బాలయ్య ప్రత్యేకంగా తిలకించి, వారిని అభినందించారు. ఉపాధ్యాయులు పాఠశాలను అత్యంత సుందరంగా అలంకరించి, ఈ సమావేశం విజయవంతం కావడానికి కృషి చేశారు. ఈ కార్యక్రమంలో ప్రధానోపాధ్యాయులు బి.ఎస్.ఎన్. రాజు, హెచ్‌డబ్ల్యుఓ నూకరత్నం, ఫిజికల్ డైరెక్టర్ వరలక్ష్మి తదితరులు పాల్గొన్నారు.